الى من احب ( قصيدة بالعامية)

الى من احب
ذاك النهار رات عياني ..طفلة شابة مقواني.. اذا بكيت في زماني ..على زينها اللي رشاني .. وحبها اللي بكاني.. قلتلها واش بيك يا زينة.. لوكان نهار تشوفي فينا.. بالبسمة ردي علينا .. وبالسلام ما تخلينا ..راه حبك ساكن فينا.. قالت باين عليك ولد الحلال..راني شفتك عندي شحال.. و قلبي على عينيك مال ..ولد الحرة يا رجال.. قلتلها حبي ليك بالنية.. راه غرامك زاد علي..يعيطولك زينة انتي .. ولا اسمك خمرية ..قالت واش تحب انت انا هي.. يا ولد الناس يا عيني.. راه كلامك طاح علي.. من ذاك النهار يا احبابي.. زادلي انا عذابي .. نارها تحرق في اجنابي ذيك زينة هي سبابي .. في ذاك لعذاب يا صحابي..عشت معاها وطالت ليام.. انا وهي كي الحمام.. طايرين في ارض الغرام.. حياتنا حلوة كي لمنام .. وحبنا ما يرفدو زمام.. ولا يكفيه بالفم كلام.. و ليام الزينة ما تطول.. ما يدور عليها الحول.. حتى تمرار كي الدفول..وسباب امرارها ذوك العديان.. اللي خلاو قلبي حيران .. يبكي انا ديما سهران.. من مرض الحب ما لقيتلو دوا .. حرقو انا ذاك الهوا..من زينة راه انكوا.. بنار الزين اللي حبيتو.. في العذاب وحدو ما خليتو..و طول عمري ما نسيتو ..خايف يمشي ويخليني..و يخون وعدي وزماني.. والليالي اللي بكاني.. راني نبغيك يا بنية.. وعشتي في قلبي ولي.. يا بنت الناس يا الميلية.. حبي ليك غير انتي ..لا ما تروحيش علي ..انتي حبي و نور عيني..انتي عشقي و البلى اللي بي..و قلبي ليك يا خمرية ..

مشاء الله عليك لقد صرت فحل من فحول الشعر الملحون
شكرا لك على هذه القصيدة و اللتي تبين فيها احساسك تجاه من تحب
اداااااااااااااااااااااام الله حبكم و ستركم الله من كل حاقد حسوووووووووووووود

شكرا ليك انت عمري على الرد اللذي اذهلني و اخجلني بالمدح الذي ربما لم يكن في محله وربما........... شكرا



ليس الحب كلمة تقال و لكن الحب هو اندماج روحين في روح واحدة

و الله يا الشيخ بدرو و الشعر الملحون ممممممححححححححح عليك يا اعز الناس

انت درت قصيدة بالعامية و انا نرد عليك بالعامية ، حاجة نقولهالك نتمنى صح انو تكون الطفلة هادي الي كتبت على جالها القصيدة تستاهل كل الكلام هذا و ربي يخليكم مع بعض ان شاء الله -قول امين-[/url]

نقولك زينة؟ و الله تستاهل اكثر من هادا. الله يعطيلك ما تتمناي و ااااااامييييييييييييييييييين

او ا زيبوق اك عمبالك ليام هادو الزقوق راه داير حالة اوكي ماتلوم ماوالو ا سيدي كبرت و عدت اتحب و زيد لقيت الي تستاهل اك مش مضيع وقتك خلاص خلاص يا الفحل ربي يوفقك ان شاء الله و يكمل على خير يا ا ل غ ز ي ل ت ا ع ي ب ح ب ك م و ت

[img][/img][url][/url]

[img][/img][url][/url]