اليوم الشباب راه ايعاني ماصاب لحالو تفسير فرقاني
حب ايخرج لكن كتمها دخلاني شوف لعينو تقرا لمعاني
شبه الاسير بقوالو يامجاني ماتلق سراحي ما خلاني
كالطير مكسر الجنحاني ماتنجبر كسرو أو همو زاد عياني
باش ينسا قلبها طالياني دين او ملة ارماهم فكفاني
بين لارطاني ولا بالكمية زطلاني ماجايب خبر عايش سكراني
خطرات ايقول واش اداني او مرات ينسى بلي انساني
راهو بين او بين دوخاني ماصاب سبيل للنجاة فكرو حزناني
شرطولو سلاسل ذهباني كي قصد خاطب بنت لحساني
قطع لياس حب يهجر لوطاني جاه الوسواس قطع لبحر او غرق فاني
عاش ماكان في حياتو كسباني مات ماخلا وراه ولداني
هادي حالت الشاب في بلاد الخيراني ماغنم منها او بالفقر عرياني
موضوع: قصيدة على حال الشباب 
السبت يوليو 24, 2010 3:46 pm
